Søndag blei politiet kontakta av ein innbyggar som hadde hatt ubedne gjestar utanfor huset sitt.
– I 04-tida hadde han oppdaga at to ungdomar var og «luska» i hagen hans.
– Han hadde videokamera som hadde fanga opp dei to. Det såg foreløpig ikkje ut som om noko var sakna, men han vil ringa om dei dukkar opp igjen.
I 02.45-tida natt til søndag fekk politiet melding om støy frå fest aust for Os sentrum.
– Ein patrulje køyrde innom adressa og delte ut pålegg om å dempa seg.
Klokka 03.35 fekk politiet melding om ein full person som låg på bakken ved Coop i Os sentrum.
– Vedkomande, ein mann i slutten av 20-åra, blei sjekka og sendt i marsj. Han ville spasera heim.
Søndag formiddag litt før klokka 10 fekk politiet melding om ein laus huns i Storestraumen.
– Hunden var mørk og langhåra. Vi hadde ingen saknamelding på hund, og det blei heller ikkje sett inn nokre tiltak.
I 12-tida søndag fekk politiet melding om ein bil som stengte inne fleire andre på ein parkeringsplass nord for Os sentrum.
– Etter litt tid fann vi ut kven som er eigar, og fekk kontakt med vedkomande så bilen kunne bli flytta.
