To båtførarar mistenkte for køyring i rus

Tysdag ser ut til å ha vore ein «festleg» dag på sjøen.

Klokka 20.10 fekk politiet melding om mann i Hagavik som hoppa i sjøen med kleda på.

Politibåten rykte ut og møtte ein båt i Lepsøyosen (mellom Lepsøy og Sørstrøno) med to fulle personar.

– Kvifor dei valte å bada med kleda på er uvisst, men båtførar er meldt for køyring i påverka tilstand, skreiv Vest politidistrikt på X (tidlegare Twitter) i går.

I dag opplyser Bjørnafjorden politistasjon at politibåten også var i Os hamn i går.

– Der blei ein annan mann som blåste over lovleg verdi mistenkt for å ha køyrd båt med promille.

Dette var i 22.20-tida. Begge dei mistenkte er i 30-åra.

Politiet har foreløpig ikkje oppdatert informasjon etter trussel mot Nav i går, men vil truleg koma med meir om saka seinare i dag.