Fint vintervêr fram til måndag

Snøen som kom laurdag har blitt liggande på hustak og i akebakkar denne veka, og det ser ut som om vi har vinter i Os i nokre dagar til.

Onsdag ettermiddag og natt til torsdag er det venta litt nedbør, men denne kan koma som sludd eller snø.

Frå torsdag til søndag ettermiddag er det meldt samanhengande minusgradar og lettskya.

Temperaturen skal halda seg på 2 til 5 minusgradar, himmelen blir nesten skyfri og vindstyrken er venta å halda seg på 1-3 m/s, med unntak av 4,5 midt på dagen fredag.

Neppe kvit jul

Natt til måndag er det meldt meir snø, men med opphaldsvêr på dagen.

Frå tysdag er det venta regn.

Yr melder 8 varmegradar, Storm melder 5, og det er venta 6-7 gradar og regn så langt vêrmeldinga på Pent.no går, til og med torsdag om ei veke.

Det betyr at vi må nøya oss med denne eine gode veka med vintervêr og god førjulsstemning - håp om kvit jul ser ut til å bli vaska vekk om ei veke.