midtsiden

Fiskelykke i Irisgården

Laurdag opnar båt- og fiskeutstyrsbutikken Sjø & Fritid i Irisgården.

image
image
image
image
Av: Kjetil Vasby Bruarøy

Han hadde håpa på opning i mars, men det gjekk heilt til starten av juni før butikken sto klar til opning.

- Det har vore ein lang og travel vår, no skal det bli godt å opna dørene og starta med båtsal igjen, seier Peter Moesgård.

Han kjem til å halda fram med å selja Dynamic-båtar og påhengsmotorar av merket Suzuki. Johnson og Evinrude kjem også i utvalet, saman med blant anna småbåtar av merket ISY.

Fiske- og båtutstyr
Moesgård var dagleg leiar i Os Båtsenter, og er no i drift igjen for Mike Lamey, som kjøpte konkursbuet hausten 2008.

No er butikken flytta frå Kolskogen til Irisgården, utvida til nærmare 400 kvadratmeter, og med båtturistar og andre som kjem sjøvegen innan rekkevidde.

- Derfor har vi auka utvalet ein del. No kjem det meir utstyr, klede, våtdrakter og praktiske småting til båtfolket.

I tillegg ser han fram til å selja fiskeutstyr. Peter er ivrig fiskar og med i det lokale fiskeutvalet.

- Vi har fått fleire kjente merkevarer innan fiskeutstyr på plass, meir kjem inn dørene fredag kveld og over helga, seier Peter, dagen før opning.

Fleire saker