Fleire smitta - mange i karantene

Både tilsett og bebuar smitta.

Luranetunet. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 28. mai 2021 12:47

Ein tilsett ved Luranetunet testa positivt for covid-19 i går, 27. mai. Smittevegen er ukjend. Den smitta er fullvaksinert.

Nok ein tilsett og ein bebuar ved Luranetunet bu- og behandlingssenter har fått påvist covid-19 i dag, opplyser Bjørnafjorden kommune.

Bebuarar og tilsette ved den aktuelle avdelinga blei rutinemessig testa som nærkontaktar.

– Det er svært liten risiko for at ein fullvaksinert person utviklar alvorleg sjukdom. Dei smitta er isolerte. Vi kjem til å testa hyppig, men sjukeheimen og avdelinga kan driva som vanleg. Vi har diskutert dette med Folkehelseinstituttet, som er einige i vår avgjerd, seier assisterande kommuneoverlege Jonas Nordvik Dale.

Den smitta tilsette er ikkje vaksinert.

– Den smitta bebuaren er fullvaksinert. Ho har ingen symptom og er i god form.

– Det kan verke overraskande at fullvaksinerte blir smitta. Vaksinen gir 95 prosent beskyttelse, men det er altså likevel fem prosents sjanse for at ein kan bli smitta - og smitta vidare. Heldigvis beskyttar vaksinen òg godt mot utvikling av alvorleg covid-sjukdom, seier Nordvik Dale.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.