Flydd til Haukeland

Fredag klokka 11.02 fekk politiet melding om at ein mann hadde skadd seg stygt i eit arbeidsuhell ved Landboden i Os sentrum.

- Mannen har drive med privat snekring då han kutta seg stygt i armen med ei elektrisk sag, fortel lensmann Rasmus Dalen.

Både politi og ambulanse rykka ut til staden, men skadane var så alvorlege at også luftambulansen blei tilkalla.

- Han blei stabilisert og frakta med luftambulansen til Haukeland for videre behandling, forklarar Dalen.

Arbeidstilsynet blei også varsla, men mannen var ikkje på oppdrag for ein arbeidsgjevar då ulukka skjedde.