Følgekjøring og fyllekjøring

I helga blei det avslørt drikking på offentleg stad og ulike typar uvettig kjøring.

Politiet fikk inn ei klage på uvettig kjøring i samband med sykkelritt laurdag ettermiddag.

Det skal ha vore ein av følgebilane som ikkje kjørde heilt i samsvar med meldars oppfatning av forsvarleg kjøring, men patruljen til politiet var ikkje ute for å sjekka.

Drikking på offentleg stad
I firetida natt til sundag kom patrulja over ein person som drakk i sentrum.

- Vedkommande blei meldt og kan venta seg eit forelegg, fortel lensmann Rasmus Dalen.

Rusa på ferja
Sundag formiddag fekk politiet melding om ein mogleg rusa bilførar på ferja frå Venjaneset.

- Føraren vart stoppa og tatt med til utvida blodprøve. Det er ikkje trekt nokon konklusjon, men det er antyda at det var ei blandingsrus. Førarkortet blei beslaglagt, seier Dalen.