Forfallet på dei kommunale vegane
LESARINNLEGG, Jan Gaassand (Sp): Ta deg ein tur over Eidsbrekka før valet.
Ein skulle tru at valkampen berre vedkjem skule og eldreomsorg. I dei politiske programma finn ein lite om vedlikehald av vegane.
Men i SP sitt program står det at vi vil rusta opp dei kommunale vegane med omsyn til re-asfaltering, rassikring, trafikksikring, fleire møteplassar, fleire parkeringsplassar ved turområder og auka bereevne.
Forfallet på dei kommunale vegane kan ikkje fortsetja. Difor ber eg om:
• At du som er veljar tek deg ein tur over Eidsbrekka eller andre vegar til utkantane, før du leverer stemmesetelen
• At du som er rådmann tek same turen før du set opp forslag til budsjett
• At du som er kommunestyrerepresentant, eller vert det etter valet, tek same turen
I 1984 vart nokre tidlegare fylkesvegar overført til kommunen. Før overtakinga vart desse vegane re-asfaltert av fylkeskommunen. I 2006 vart nokre strekningar på ca. 250 m. re-asfaltert av kommunen. Sia har ingenting skjedd.
Med denne frekvensen, 250 m. kvart 22. år vil det ta 440 år før ein veg på 5 km. vert re-asfaltert.
Kommunestyret løyvde i sommar kr. 300.000.- til ekstra vedlikehald av vegane. Korleis er desse pengane brukt? Kan kontrollutvalet i kommunen undersøkja dette?
Os Senterparti
Jan Gaassand
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.