Frå gospel til Dolly Parton

Fonos og Alvorada skal innom ei rekke sjangrar når dei speler konsert i Fjellheim fredag kveld.

Kjetil Vasby Bruarøyfredag 04. juni 2010 08:40

Fredag 4. juni kan osingar og tilreisande oppleva koret Fonos i Fjellheim.

Dei framfører musikk av mange slag, frå jazz, gospel og salmar til kjende songar av Queen, Sting, Coldplay, Dolly Parton og Bruce Springsteen.

Koret har eksistert i tre år, men har alt blitt kjent for god klang, kraftig «trøkk» og mange dyktige solistar mellom dei tjuetals medlemmane.

Kombinér dette med eit særs variert repertoar og dei eminente musikarane i jazzsambaorkesteret Alvorada og det ligg an til ein artig, spanande og fengande helgestart i Fjellheim.

Dirigent for Fonos er Stine Kobbeltvedt, Åsmund Brekke leiar Alvorada.