Næringsliv | 29. nov. 2023

Frå leige til eige: Ny båt i Samba-flåten

Overtar eigarskapen fredag. – Vi vil sikra arbeidsplassane om bord.

Frå leige til eige: Ny båt i Samba-flåten
Aqua Master skal no skifta namn til Fox Aqua. (Foto: Samba Marin)
Kjetil Vasby Bruarøy
Kjetil Vasby Bruarøyonsdag 29. nov. 2023 14:15

Samba Marin, som i år har bestilt hybridbåt nummer to og tre, har no òg kjøpt seg ein båt som ikkje er eit nybygg.

– «Aqua Master» er ein båt vi har leigd ein periode, og som omtrent ikkje har vore til kai grunna store oppdragsmengder, seier sals- og marknadssjef Erik Vågen.

– Vi har tilsett fleire og båten har ein veldig god mannskap. Vi vel no å kjøpa denne for å sikra oss dette «verktøyet» til desse gode arbeidsplassane.

Samba overtar eigarskapen fredag 1. desember. Då skal båten døypast om til «Fox Aqua».

– Då vi selte Molly var det ein del av modernisering av flåten. Planen var fleire nybygg, noko som òg er på veg, men så kom vi over Aqua Master, som vi fekk leiga, og som viste seg å vera ein båt for veldig allsidig båt.

Også denne er teikna av Progreen, men altså utan elektrisk motor. Båten blei bygd i 2013, er 12 meter brei og 14 meter lang.

Samba Marin er blant dei 20 selskapa i Bjørnafjorden kommune som vaks mest i 2022, med ein auke på over 50 millionar kroner frå året før.

– Vi har vakse vidare med rundt 7-8 tilsette i år, og skal gjennom 2024 og starten på 2025 truleg auka med yttarlegare rundt ti tilsette. Det gjeld å auka staben fram til ankomst av nybygga òg, seier Vågen.

Samba Marin har i dag rundt 65 tilsette.

Spennande? Vil du ha ukas høgdepunkt i innboksen?

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.