Frykta at gut blei utsett for ran

Måndag klokka 19.42 fekk politiet melding om ein observasjon på busstoppet ved Meny Industrivegen (Tøsdalskiftet).

Ein bilist som køyrde retning Bergen fortalte om noko han syntest såg mistenkeleg ut.

– Ein gutegjeng på 5 til 8 gutar skal ha stått rundt ein yngre gut. Den yngre guten såg ut somom han leitte etter noko i lommene sine før han tok av seg heile jakken, fortel politioverbetjent Anne Lyssand.

– Meldar såg ikkje noko meir. Politiet er interesserte i opplysingar om kva som skjedde på staden og kven som var der.

– Vi oppmodar dei involverte og eventuelle vitne å kontakta oss, seier Lyssand.