Ber om tips etter ran i Skjoldskiftet

Klokka 01.12 natt til fredag blei politiet kontakta av ein tilsett ved Esso/Deli de Luca i Skjoldskiftet.

– Vedkomande opplyste at stasjonen nyleg hadde blitt rana for eit ukjent pengebeløp, seier operasjonsleiar Knut Dahl-Michelsen i Vest politidistrikt.

Gjerningspersonen blir skildra som rundt 25 år gamal og cirka 170 cm høg.

Politiet ber om tips til telefon 47696060.

Politiet kjenner førebels ikkje identiteten til mannen. Det var ingen andre kundar på stasjonen då han kom inn.

Vedkomande viste fram ein pistol-liknande gjenstand han hadde i bukselinningen samtidig som han kom med trugslar.

– Vi har gjennomført taktiske og tekniske undersøkingar på staden. Det blei også søkt i eit større område utan resultat.

– Den tilsette blir tatt vare på av leiinga i bedrifta, opplyser operasjonsleiar.