Funnen blodig og livlaus

Klokka 23.45 blei ein person funnen i ei grøft på Hatvikvegen.

Luftambulanse, politi, brannvesen og ambulanse er på staden.

– Det var to andre som fann han.

– Det var ingen andre bilar eller personar på staden då vi kom fram, fortel ein Frank Mohn-tilsett som jobbar skift, og kom som nummer to til staden på veg heim frå jobb.

Personen blei funnen nokre meter mot Os frå krysset inn mot Moldegård, liggande på vegen ut i det eine kjørefeltet.

– Vi veit ikkje kva som har skjedd

Klokka 00.30 blei mannen tatt om bord i luftambulansen.

– Dei har fått liv i han, men meir veit eg førebels ikkje om tilstanden hans, seier operasjonsleiar i Hordaland politidistrikt, Ronny Lentføhr til Midtsiden.no.

– Kva som har skjedd med han er uvisst. Vi held alle alternativ opne.

– Er mannen identifisert?

– Vi meiner vi veit kven han er, men det er ikkje endeleg stadfesta.

Då Midtsiden kjørte frå staden, klokka 00.40, var vegen framleis stengt og helikopteret sto på bakken.