Patrulja stansa ein 42 år gamal mann mistenkt for fyllekøyring (ill.foto: KVB)

Fyllekøyrde i sentrum

Ein mann (42) fekk beslaglagt førarkortet etter fyllekøyring natt til søndag.

Av: Andris Hamre

Klokka 0410 meldte politiet om at patrulja på Os hadde stoppa ein bil kor dei mistenkte at føraren var berusa. Bilen blei stoppa i Holtbrekka i Os sentrum.

– Patrulja stansa køyretøy kor bilføraren, ein 42 år gamal mann, er mistenkt for køyring i alkoholpåvirka tilstand, heiter det i meldinga på twitter.

Mannen blei tatt med til legevakta for blodprøvetaking.

Rett etter klokka 5 meldte politiet at dei oppretter sak.

– Blodprøve gjennomført. Beslag av førarkort. Sak blir oppretta, er den korte oppsummeringa frå politiet.

Brann i postkasse

Tidlegare på natta, klokka 0115, meldte politiet om ein brann i ei postkasse i Grønskaret i Lysefjorden. 

– Meldt om brann i ei postkasse. Meldar har sjølv sløkt med vatn etter å ha konferert med brannvesenet.