Går med 40 mill i pluss

Driftsrekneskapen for Os kommune, som førebels ikkje er revidert, viser eit overskot på 40,1 millionar kroner for 2016.

– Vi er naturleg nok svært stolte over å kunne presentera eit slikt resultat, og nyttar høvet til å takka kvar og ein tilsett i Os kommune for den gode innsatsen for innbyggjarane våre! seier ordførar Marie Lunde Bruarøy i ei pressemelding i dag.

• Les òg: Tente 9,3 mill på aksjar

Resultatgraden er på 4,6 prosent.

– Det gode resultatet skuldast i første rekke høge skatteinntekter, men avkastning på finansporteføljen og lågare utgifter til pensjon bidrar òg til resultatet, fortel ordføraren.