Går ut med namn og dødsårsak
Politiet har mottatt foreløpig rapport frå hendinga i Skeisstøa i oktober.
Mannen som blei funnen død ved ein lastebil i Skeisstøa fredag morgon 5. oktober, var 38 år gamle Ørjan Haugland.
Det opplyser politiet i dag.
Dei går ut med informasjon i samråd med familien.
– Foreløpig obduksjonsrapport viser at dødsårsaka er knusnings- og klemskader.
Politiet har tatt tekniske og taktiske undersøkingar for å finna ut kva som kan ha skjedd på staden.
Endeleg obduksjonsrapport er ikkje mottatt, og det er ikkje mottatt endelege rapportar på dei tekniske undersøkingane.
Mannen blei funnen død klokka 06.36 på morgonen.
– Sidan han er så ung så går vi breitt ut i etterforskinga, sa politistasjonssjef Oddbjørn Dyrdal same dag.
Både krimteknisk avdeling og ulykkesgruppa frå vegvesenet var på staden for å gjera undersøkingar utover dagen, men Dyrdal kunne ikkje koma med yttarlegare informasjon før helga.
Politiadvokat Cathrine Elisabeth Schjelderup ville veka etter venta på obduksjonsrapport. Ho kunne samtidig fortelja at det var oppretta undersøkingssak.