Gav blaffen i at førarkortet rauk

Ein laurdagkveld i mai blei ein mann i 30-åra frå Os tatt av politiet i Bergen etter ei trafikkulykke.

Sikta hadde køyrd utfor vegen og rett i ein fjellvegg, for så å innta alkohol under 6 timer etter ulykka, sjølv om han burde forstå at det kunne bli politietterforsking etter uhellet.

Om tysdagen, tre dagar seinare, blei han stoppa etter å ha køyrd i 97 km/t i ei 80-sone i eit nabofylke. Mannen hadde då ikkje førarkort.

Prøvde å halda på førarkortet

Sikta møtte i retten og tilsto. Han håpte på å framleis få køyra bil, han trengte førarkort fordi han «bor på landet».

Dette var ikkje god nok forklaring eller årsak for Nordhordland tingrett, som dømte mannen til 18 dagar fengsel på vilkår, 40.000 kroner i bot og tap av førarretten i 15 månadar.