Gjekk til svart

Laurdag gjekk Viljar Brunvoll graderinga for å få det svarte beltet i Taekwon-do.

– Det er ei hard fysisk prøve, kor sjølve kampdelen er på 15-20 minutt.

– Den består mellom anna av mønster, som er ein serie med teknikkar som skal utførast i ei bestemt rekkjefølge.

– Mønstra består av spark, sjølvforsvar og sparring mot ein innbilt motstandar, kor utøvaren skal gjera det med riktig kraft og hurtighet, forklarar Jan Rune Sund, leiar i Taekwon-do klubben.

– I tillegg måtte Viljar gjennom knusing av planke og ein styrketest, før han òg blei testa i teori.

– Viljar gjennomførte ein kanonbra test og besto med glans, skryt Sund.

4 x rødt

I Taekwon-do er raudt positivt. Det raude beltet er graden før det svarte og heile fire utøvarar frå Os tok delgradar i det raude beltet laurdag.

– Henrik Thomassen, Martin Sveen, Tova Hovland og Victoria Samuelsen besto alle prøvene dei måtte gjennom for høgre gradering, smiler Taekwon-do-leiaren.

Sund fortel at dei før sommaren planlegg gradering av dei andre medlemmane i klubben.

– Deretter blir det ein velfortjent ferie, før vi startar opp att med nybyrjarinntak til hausten, avsluttar Sund.