Vêret i Os | 13. jan. 2023

Grå helg - kald veke

Melder sludd i helga og minusgradar utover i neste veke.

Grå helg - kald veke
OS I DAG: Nedre del av Oselvo innramma av Elveportalen, Finnebrekka og Borgafjellet. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 13. jan. 2023 10:28

Det er overskya og opphaldsvêr i Os i dag, og dette vêret skal halda seg fram til laurdag kveld.

Så er det venta nedbør som regn eller sludd laurdag kveld og natt til søndag, men også søndag dagtid skal bli tørr.

Temperaturen har gått ned frå 7-8 varmegradar til 3-4 gradar, og skal vidare ned.

I helga er det meldt 1-2 plussgradar, frå måndag kveld og fram til neste helg er det meldt 1-2 minusgradar.

Onsdag til fredag er det også meldt lettskya og sol.

Men tidlegare i veka, måndag og tysdag, kan det koma noko nedbør, og då blir det truleg som snø eller sludd.

Forholda i fjellet har stort sett vore gode etter jul, men onsdag var det vind, regn og stengt på kveldskøyring i Eikedalen.

Torsdag og i dag er det ope, og nedbøren som i helga kjem som sludd i Os landar nok som snø på Kvamskogen.

Det kan bety gode forhold for skiturar både i helga og, ikkje minst, utover i neste veke.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.