Gut mista lappen etter kontroll på Søfteland

Utrykningspolitiet hadde onsdag fartskontroll på E39 Byvegen.

Klokka 23.17 målte dei ein bil til 90 km/t i ei 60-sone.

– Bilførar er ein gut i tenåra. Det blei tatt beslag i førarkortet, fortel politioverbetjent Anne Lyssand.

Førarkortet ryker frå og med 86 km/t når fartsgrensa er 60 km/t.

Hadde han køyrd i 85 km/t ville det blitt forelegg på 9.050 kroner, i staden kan nok den ferske bilføraren venta seg ei høgare bot og nokre månadar som fotgjengar.