To gutar stakk frå staden etter brann i bosspann

I 19-tida tysdag kveld kom det melding om brann i eit bosspann på Kyrkjeflaten.

Varabransjef Arne Monsen var først på staden.

– Det var opne flammar då eg kom fram, men ingen fare for at brannen skulle spreia seg. Derfor spanderte eg ikkje skum på brannen, mannskapsbilen med vatn var ikkje langt unna, fortel Monsen.

To gutar stakk frå staden

På staden møtte han to gutar som såg ut til å vera i 13-14-årsalderen. Han spurde om det var dei som tente på, og dei svara nei.

Så kom politiet, og gutane stakk frå staden. Midtsiden skreiv først, på bakgrunn av kva vitne fortalte, at politiet la på sprang etter gutane. Det er ifølgje politiet ikkje rett.

– Vi har fått noko informasjon om kven det er som står bak, seier politibetjent Kjetil Hansen.

Politiet oppmodar samtidig gutane å ta kontakt.

OPPDATERT: Prøvde å tenna på ved drosjebua òg

Onsdag morgon opplyser politiet at det blei tent på, eller forsøkt å tent på, eit bosspann på Os terminal òg.

– Fire gutar skal vera observerte her, fortel politioverbetjent Rune Fimreite.