Frå kontrollen i Hjellemarka, før dei flytta seg til Bir Kolskogen, fredag. (Foto: Statens vegvesen)
Frå kontrollen i Hjellemarka, før dei flytta seg til Bir Kolskogen, fredag. (Foto: Statens vegvesen)

Hadde ikkje kopla i tilhengarkontakten - blei meldt til politiet

Vegvesenet sjekka 12 lette og eitt tungt køyretøy i Os.

Kjetil Vasby Bruarøy
20. juli 2020 - 10:13

Fredag hadde Statens vegvesen kontroll av sommartrafikken gjennom Os.

– Vi starta dagen på E39 Byvegen i Hjellemarka, og flytta seinare kontrollen til Bir Kolskogen i Industrivegen, fortel Knut Sylta frå Statens vegvesen.

– Det er no midt i fellesferien, noko vi merker på redusert mengde tungtrafikk. Men det er desto fleire bubilar og campingvogner på vegen.

Vegvesenet tar ikkje ferie, dei ønskjer å vera synlege på vegen gjennom heile sommaren.

Manglar, gebyr og bruksforbod 

I løpet av dei to kontrollane i Os fredag, blei det kontrollert 12 lette køyretøy og eitt tungt.

  • I alt blei det notert sju tekniske manglar med krav om etterkontroll.
  • Det blei skrive ut gebyr for dekk med under lovleg minimum mønsterdjupne og delt ut bruksforbod på hestehengar, som mangla godkjenning. Her kom det pålegg om framstilling for kontroll.
  • Éin bilist blei meldt for ikkje å ha plugga i tilhengarkontakten. Vedkomande hadde heller ikkje med seg rett overgang til å få kopla denne til.
  • Einvarebil i klasse 2 var for tungt lasta med 300 kilo overvekt. Denne måtte lasta om før vidare køyring.

 

Les meir om

Lokal Politi