Halloween held fram

Bildeserie:

1 av 5

Den amerikanske måten å feira Halloween på blir gradvis adoptert til Noreg, men ifølgje Bjørg Lyssand frå Drageset Varehus, som også har ein store leiketøyavdeling, seier det enno ikkje har tatt heilt av.

- Salet av kostyme auka ikkje hos oss frå i fjor til i år. Men eg trur Halloween har kome for å bli, samstundes har eg inntrykk av at færre foreldre er kritiske til at ungane skal driva med denne for oss nye skikka, seier Bjørg.

- Og det er ikkje berre 31. oktober folk markerer Halloween, dei lar gjerne Halloween vera tema utover veka som følgjer.

Meir fest enn tigging
"Trick or treat" seier dei i USA, ungane som kler seg ut og går frå dør til dør for å be om snop. Omtrent som jule- eller nyttårsnukkane. I Noreg er det "knask eller knep".

- Eg trur ikkje det er så mange som kopierer akkurat dette, men fleire kler seg ut eller inviterer til bursdagsfest med Halloween som tema.

- Nesten halvparten av effektane vi sel før Halloween er til ungdom, som gjerne skal ha vorspiel i Halloween-tema, legg ho til.

Også politiet fortalte Midtsiden.no om Halloween-stemning på Osøyro i helga.

- Det var mykje folk ute, og fleire hadde kostyme på, sa politiførstebetjent Audun Hadler Olsen måndag.

Fleire graskar-kunstnarar
I førre veke skreiv vi om Mons Lyssand med familie, som i fjor skar ut imponerande flotte lykter av grakar. Og om kraftig aukande graskarsal hos Meny på Os.

Det fekk oss til å mistenka at det er fleire gode graskar-kunstnarar i bygda, så vi inviterte lesarane til å senda inn bilde av sine graskarlykter.

Grethe K. Særvoll har sendt oss bilde av Adrian, som har skore ut ein flott Jack O´ laterne, og Monica Engelsen, som er vane med å laga spennande figurar på sine kaker (dinkake.no), har sendt oss bilde av Mats, Marielle og Karoline sine graskar: