Hamna 8 poeng frå toppen

Heime før sommaren blei det 3-1-siger, før gårsdagens kamp på Fosshaugane låg Lysekloster på 2. plass og Sogndal 2 på 9. plass.

Dei ungde spelarane på Sogndal 2 beit frå seg i førre oppgjer, og var på hugget frå start i går. Etter ti minutt spel sto det 2-0 til heimelaget.

– Sogndal stilte aggressiv og energisk, mens vi var utilgjeveleg passive frå start, fortviler Ruben Hetlevik.

Sogndal 2 - Lysekloster 2-1 (2-0)
Målskårar, Lysekloster: Kristoffer Østervold i 90. minutt.
Tropp og kampfakta på fotball.no

Hetlevik meiner det kom seg i 2. omgang, og at sjanseproduksjonen var meir enn stor nok til å vinna kampen.

– Vi hadde 15 skot på mål, dei hadde 2. Men det er lov å vera effektiv, med den førsteomgangen vi leverte meiner eg vi tapte fortent.

Nyaste spelar i stallen, Monir Benmoussa, fekk debuten sin. Han spelte frå start og 77 minutt av kampen.

– Snakkar ikkje om opprykk no

I 13. serierunde tapte serieleiar Sotra borte for Fyllingsdalen. Lysekloster var 3 poeng frå toppen. No, etter 16. runde, er avstande 8 poeng og Fyllingsdalen har klarta forbi til 2. plass.

– Korleis vurderer du sjansane for opprykk etter dette?

– Vi snakkar ikkje om opprykk no, vi har fokus på at det er ti kampar igjen, og at vi skal vinna alle.

– Vi har hatt svake førsteomgangar heime mot Stord og borte mot Varegg og Sogndal 2.Det skal aldri skje igjen.

Lysekloster speler neste kamp heime mot Fana førstkomande laurdag.

• Terminliste og tabell