Handball heile sommaren

Medan dei fleste handballspelarane no går inn i ei roligare tid, må Anna Bjørke Kallestad (18) frå Os belaga seg på ein hektisk sommar med ball og klister.

Onsdag blei ho nemleg tatt ut i troppen til ungdomslandslaget som skal spele VM i Makedonia 18. juli til 3. august.

– Det var utruleg kjekt. Eg gler meg verkeleg, fortel handballtalentet.

I VM møter dei Kongo, Ungarn, Japan, Paraguay og Russland i dei innleiande kampane.

På reise frå neste helg

Som ei del av oppkøyringa til VM reiser troppen til ei vekes treningssamling i Sverige allereie sundag om ei veke. I tillegg til treningar møter dei Romania, Austerrike, Island og Færøyene i turneringa European Open.

Etter ei lita veke heime på Os går turen til Frankrike for ei siste oppkøyring med kampar mot Frankrike, Portugal og Spania.

Anna Bjørke Kallestad gjekk før førre sesong til Viking i 1. divisjon, kor ho har utvikla seg vidare etter tida i Os. Bjørke Kallestad blei for innsatsen i Viking siste sesong kåra til Årets spelar i NHF Region Vest.

Sjølv om ho gjekk til Viking, har unggjenta ikkje mista kontakten med handballjentene på Os. I vinter spelte fleire av dei nemleg saman den landsomfattande serien for jenter-18 under paraplyen til Tertnes Elite.

Ho spelte òg NM-finale for junior-jentene til Tertnes saman med Line Hjelle Berentsen i desember og var ein del av regionslaget som blei NM-mestrar i mai under leiing av dåverande Os-trenar Erlend Lyssand.