Kultur | 14. juni 2018

Handplukka delikatesser med historisk sus

I dag kunne Osøyro Kolonial endeleg opna dørene - med Kleivenskinka i disken og Hans Anton himself ved kjøttsaga.

Handplukka delikatesser med historisk sus
Silja Døsen Moberg, Henny Nybø og Ingrid Bjaadal på opningsdagen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 14. juni 2018 12:03

Bildeserie:

Ostedisk og kjøttdisk. (Foto: KVB)
Ostedisk og kjøttdisk. (Foto: KVB)
Hans Anton med Kleiven-skinka klar for sal. (Foto: KVB)
Hans Anton med Kleiven-skinka klar for sal. (Foto: KVB)
Den gamle vekta har blitt eit møbel. (Foto: KVB)
Den gamle vekta har blitt eit møbel. (Foto: KVB)
Det same har hoggestabben. (Foto: KVB)
Det same har hoggestabben. (Foto: KVB)
Også øl er på plass i hyllene. (Foto: KVB)
Også øl er på plass i hyllene. (Foto: KVB)
Familie og dei første kundane sto klare med kamera klokka 10. (Foto: KVB)
Familie og dei første kundane sto klare med kamera klokka 10. (Foto: KVB)
Bodhild og Jan Ove Petersen. (Foto: KVB)
Bodhild og Jan Ove Petersen. (Foto: KVB)
Godt besøk i opningstimen. (Foto: KVB)
Godt besøk i opningstimen. (Foto: KVB)
1 av 8
Ostedisk og kjøttdisk. (Foto: KVB)
Hans Anton med Kleiven-skinka klar for sal. (Foto: KVB)
Den gamle vekta har blitt eit møbel. (Foto: KVB)
Det same har hoggestabben. (Foto: KVB)
Også øl er på plass i hyllene. (Foto: KVB)
Familie og dei første kundane sto klare med kamera klokka 10. (Foto: KVB)
Bodhild og Jan Ove Petersen. (Foto: KVB)
Godt besøk i opningstimen. (Foto: KVB)

I 2016 blei Osøyro Kolonial starta, og gründer Silja Døsen Moberg var tidleg med å ønskja seg butikklokale til dei handplukka varene frå småskalaleverandørar.

– I cateringverksemda har eg brukt mange kvalitetsvarer som andre ikkje får tak i, men som eg har tenkt kunne vera fint å gjera tilgjengelege for folk, seier Silja, som opna butikken på sin eigen og faren sin bursdag.

I mars 2017 fekk ho hand om Kleiven, som i 36 år dreiv delikatessebutikk i Os sentrum, sine tidlegare produksjonslokale.

• Les òg: Gjev seg mens «steiken» er god (2011)

Då ho i mars 2018 også fekk leigekontrakt der Kleiven hadde butikk, blei det ekstra historisk sus over sakene.

Sjølv om Osøyro Kolonial framstår som noko heilt eige, har Silja både fått den legendariske Kleiven-skinka i hyllene, plassert kjøttdisken der Kleiven Kjøtt og Delikatesse hadde den - og fått Hans Anton Kleiven med seg på kjøkkenet.

– Det er litt spesielt å gå her, men det er kjekt å få vera med litt som konsulent, og å sjå at nokre av varene vi hadde lever vidare, seier Hans Anton til Midtsiden.

Han stilte «uniformert» i kvit og fin Kleiven-skjorte på opningsdagen.

– Kvar ting til si tid, det er dei unge som må satsa.

Vil bli god på lunsj og middag

I hyllene står alt frå krydder til øl, i tillegg er butikken innreia med kjøttdisk, ostedisk og salatbar.

Butikken er ny frå topp til tå, men blant møblane er Kleiven si gamle kjøttvekt og den gamle hoggestabben.

– Kva ville du prioritera når butikken skulle innreiast og fyllast med varer?

– Eg har fått det som eg ville, men har òg valt vekk noko. Det blir ikkje varm mat her med det første, bortsett frå at vi kan koma til å byrja å selja ferdiglaga suppe. Men vi har salatbar og påsmurt, vi ønskjer å bli gode på lunsjrettar, seier Silja.

– Samtidig trur eg middagsrettar kan bli viktigaste varegruppe. Kjøttdisken er det mange som har sagt at dei har sakna, så eg er spent på om interessa for dette er så stor som vi har fått inntrykk av.

Faste kundar frå første dag

Ved sidan av å ha bygd seg opp eit omdømme via cateringverksemda, ser Osøyro Kolonial ut til også å arva nokre av kundane Kleiven hadde før han i 2011 la ned.

– Vi kjøpte alltid kjøttet vårt hos Kleiven og vi har sakna det å ha ein skikkeleg delikatessebutikk i Os. Vi synest det er veldig kjekt at det er så dyktige folk som startar opp igjen, og at butikken har kome på Øyro, seier ekteparet Bodhild og Jan Ove Petersen.

– No håper vi at eigarane ikkje berre får ein god opningsdag, men at dei får gode kvardagar i tida som kjem.

Kortreist bemanning

Silja har frå før med seg Ingrid Bjaadal i cateringverksemda, som no er utvida med butikk, og frå den nyleg nedlagte bokhandlaren MK Olsen har ho «arva» eit kjent ansikt på Osøyro, Henny Nybø.

– Henny er god på litteratur, og med kundebehandling, men ho er faktisk også faglærd kokk, så her har vi vore veldig heldige.

Ein annan spesialforretning som dreiv lenge på Osøyro, Ingvar Lepsøe, hadde ein fiskebutikk som Turid Leikvoll Moberg dreiv vidare. Kantinedaman frå Os ungdomsskule kjem og til å bli å treffa hos Osøyro Kolonial av og til.

– Vi er tre faste i stor stllingsprosent, men har til saman ni tilsette som blir med oss å driva butikken, fortel Silja Døsen Moberg.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.