– Håper fotgjengarane går her

Klokka 13.30 i dag opna det nye parkeringshuset Giskavollen Parkering med 184 nye parkeringsplassar i Os sentrum.

Les ògOpna Giskavollen Parkering med dans og straffekonk

Parkeringshuset, med fotballbane og parkanlegg, ligg i tilknyting til Os ungdomsskule og nær både Os kyrkje og Os barneskule.

– Vi i samferdsleavdelinga sleppte nyleg til i området, og prioriterte å koma raskt i gang med bygging av fortau på motsett side, rundt kyrkja, fortel Axelsen.

• Ved parkeringshuset kjem nytt, opphøgd gangfelt.
• Dette er breiare enn det som var det frå før, fortau langs kyrkjegarden er også nytt og romsleg.
• Det kjem dessutan lys i det som tidlegare var eit mørkt kryss.
• Krysset er som nemt i førre veke, stramma inn for å få tryggare struktur.

Les òg– Ja, det skal vera sånn

– Fortau langs kyrkjegarden er nytt. Men det går berre opp til porten nærmast krysset, ikkje opp ved Minneparken, der er vegen for smal.

– Derfor håper eg at elevane og andre fotgjengarar held fram med å gå frå Coop og Telthuskvartalet til høgre over Kyrkjeflaten og her til Landboden. Eventuelt at dei går via Kyrkjeflaten, men ut porten som leiar til det nye fortauet.

Parkeringsplassane utanfor hovudporten inn til kyrkja skal vekk, og fortauet skal byggast vidare mot sentrumskjerna.

Også frå parerkingshuset og opp mot Minneparken og stien mot skulen har fått fortau. Det er nytt. Før var det berre ei grøft og nokre buskar i dette området.

Dette stykket blir ikkje markert som «kiss and ride», men ser samtidig ut som ein praktisk plass å setja av ungar om morgonen.