Stenger desse gangvegane i neste veke

Åsane Byggmesterforretning AS skal bygga nytt parkeringsanlegg for Bjørnafjorden kommune.

Anleggsarbeidet startar i veke 8, i neste veke (veke 7) byrjar dei å stenga av plassen - og fleire av gangvegane som elevar bruker i dag.

• Les òg: Skal sikra skulevegen før byggestart

Trafikksikringsplan og skiltplan er no klar, og entreprenør er i gang med varsling.

– Vi kjem til å stenga portane som går frå gravplassen og ut i Giskavollen, skriv Åsane Byggmesterforretning i varslinga.

• Også begge stiane som går langs grusbanen blir stengt.
• Elevane må gå langs Byvegen eller Landboden og opp Oshaugen.
• Ved skule- og SFO-slutt blir det sett ut vakt frå entrepreønør for å følgja med på trafikkbildet.

Som eit tryggleisktiltak blir det ikkje tungtransport gjennom Giskavollen mellom klokka 07.30 og 09.00.

Entreprenør ønskjer òg at ikkje det skal bli auka trafikk av personbilar i området i byggeperioden, og ber foreldre ta omsyn og lar dei eldre elevane gå frå bussterminal eller andre eigna plassar.

Elevar som blir køyrd til ungdomsskulen skal helst bli sett av og henta ved Os Aktiv.

Arbeidet går frå veke 8 og fram til det er ferdig hausten 2021.

Parkeringshuset får 154 parkeringsplassar i underetasje og kunstgrasbane på taket.