Har funne leidningsbrotet - Byvegen blir stengt

Bergen Vann har på vegner av Bjørnafjorden kommune søkt etter vassleidningsbrot i eller nær Jordmorsvingen i Os sentrum sidan tidleg onsdag morgon.

– No er leidningsbrotet funne, og det ligg midt i fylkesvegen, opplyser Agnete Haugland, leiar for samferdsle og V/A i Bjørnafjorden kommune.

Fylkeskommunen og Skyss er varsla.

Det ligg an til at Byvegen blir stengt frå 16.30-tida i ettermiddag.

Omkøyring er via E39 frå Moberg til Svegatjørn.

Haugland ønskjer ikkje å estimera kor lang tid arbeidet vil ta.

Lekkasjen oppsto kort tid etter eit leidningsbrot i Midtskogvegen som blei oppdaga i 05-tida i natt.