Det er meldt stiv kuling frå sør og søraust søndag og måndag. Då kan det koma til å skvulpa godt i Os hamn. (Arkivfoto: Kjetil Vasby Bruarøy)

Har sendt ut OBS-varsel

Melder to dagar med kraftig vind.

Av: Kjetil Vasby Bruarøy

Etter ei veke med stiller og klart vintervêr i Os kjem eit lågtrykk inn over Vestlandet.

Det fører til nedbør og kraftig vind.

Søndag skal det blåsa liten kuling, med auke til stiv kuling på kvelden. I natt skal vinstyrken auka frå 14 til 16 m/s.

Vinden skal koma frå sør og søraust.

Måndag er det meldt 16 m/s fram til midt på dagen og 12 m/s på ettermiddag og kveld.

Meir vintervêr i vente

Det er meldt opphaldsvêr søndag, men regn måndag og sludd tysdag.

Frå onsdag skal det bli opphaldsvêr og temperaturar på rundt 0 gradar igjen, med fare for enkelte snøbyger.

Fredag og neste helg er venta å bli kald og lettskya, med 3-4 minusgradar.

• Sjå detaljert vêrvarsel for Osøyro på Pent.no.

 

Fleire saker