Politi | 31. mai 2023

Har truleg oppklart saka sjølv - så kom støtten

Sto utanfor butikken då ein mann kom med nystolne panteposar. Ein eksisterande sponsor dekka tapet - og vel så det.

Har truleg oppklart saka sjølv - så kom støtten
Ståle er sponsor frå før. I dag dobla han det Os Fotball mista i pant.
Kjetil Vasby Bruarøy
Kjetil Vasby Bruarøyonsdag 31. mai 2023 18:46

Tysdag morgon blei det oppdaga innbrot og tjuveri frå Os Fotball sin bod der dei samlar opp pant som kven som helst kan donera til idrettslaget.

Dei hadde spart opp tomflasker i rundt to månadar, og hadde verdiar for 2000 kroner liggande i spesialposar frå Infinitum - som har avtale med NFF om gratis å henta pant frå fotballklubbar.

SAGA SEG GJENNOM VEGG UNDER TRAPP: – Eg synest det er heilt ufatteleg at nokon vil strekka seg så langt for å stela nokre tusenlappar frå eit idrettslag, seier Marita Haugland. (Foto: Kjetil Vasby Bruarøy)
Les ògHar spart opp tomflasker i månadar - i pinsen blei alt stole

Då Ståle Daae Børnes, innehavar av Bergen Marinesenter, las om hærverket og tjuveriet, blei han både irritert og skuffa.

– Det er ikkje så mange kroner, men det er eit flott tiltak og del av mange små inntekter til idrettslaget. I tillegg tenkte eg på dei som har vore og levert tomflaskene sine for å gi støtte, seier Børnes.

Bergen Marinesenter er sponsor frå før, og bestemte seg for å legga nokre ekstra kroner i potten.

– Eg runda opp til 5000 kroner, i tilfelle dei ikkje hadde tald riktig, seier Ståle og ler.

Konferansier Davy Wathne og dagleg leiar Endre Brenne gratulerer Ole-Vidar Skaathun med tilslaget i auksjonen. (Foto: Kjetil Vasby Bruarøy)
Les ògOs Fotball 100 år - ein verdig galla i Oseana

Marita Haugland frå Os Fotball er takksam.

– Dette var veldig fint gjort! Alle kroner kjem godt med, i tillegg varmar det ekstra å få dekka det tapte og litt til, umiddelbart etter innbrotet.

Sjølv har ho dessutan kanskje vore med på å oppklara saka.

– Sidan panten som er stolen var pakka i unike posar, ville eg varsla butikkane som tar imot pant. Eg sto utanfor Meny då ei som jobbar mykje frivillig på Kuventræ kom bort og sa at ho såg ein mann gå inn på panterommet med flasker i Infinitum-posar.

Marita kontakta politiet, og dei skal ha konfrontert mannen.

– Det er strek-kodar på posane som viser kven sine dei er. Sjansen er stor for at dei er våre, for andre lag eller firma som har henting få jo henta sine, våre er så vidt eg veit dei einaste som er sakna.

Mistenkte skal ha forklart at han hadde funne posene med tomflasker.

– Det var heller ikkje alle flaskene han hadde med seg. Det kan godt henda at han slepp straff, men saka kan sjå ut som om den langt på veg er løyst, og eg håper den eller dei som har gjort dette, ikkje finn på liknande stunt fleire gongar.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.