Heidra med Bergen sin «Oscar»

Bergen Awards blir av arrangøren Bergensmagasinet kalla Bergen sin eigen Oscar-utdeling.

– Der Oscar-prisen kun handlar om film, så favnar vi breiare. Så sett med bergensauge er dette ein mykje viktigare pris, seier Vegard Sletten i Bergensmagasinet til sitt eige magasin.

– Bergen Awards er eit arrangement heilt i Bergenmagasinet sin ånd og visjon, som er å løfta fram gründerar, talenter og alle andre som er med på å få Bergen opp og fram. Dette skal vera ein prisutdeling til beste for alle, og som skal motivere til vidare innsats.

Far tok i mot

Under årets tildeling i Grieghallen fredag kveld blei mellomanna prisen som årets unge idrettstalent delt ut.

Jury for prisen er Olympiatoppen Vest som hadde nominert dei tre kandidatane; Sven Martin Skagestad (friidrett diskos), Emilie Christensen (handball) og Maia Lund (roing).

– Frå ingen A-landskamper gjekk Emilie Christensen rett inn i VM-troppen. Der gjorde ho ein god figur som debutant, og blei belønna med VM-sølv, heiter det i grunngjevinga frå juryen.

Prisen blei delt ut av Morten Ivarsen. Emilie hadde ikkje sjølv moglegheiten til å ta turen frå Larvik til Bergen for å motta prisen. Den æra fekk far Lars Christensen i staden.

Desse vann Bergen Awards:

• Årets markedsfører: Bergen Julemarked
• Årets bedrift: Fjordkraft
• Årets gründer: Ditio
• Årets unge idrettstalent: Emilie Christensen
• Årets idrettsbragd: Håvard Lorentzen (delt ut før han vann OL-gull måndag)
• Årets designer: Seasight
• Årets forskar/team: Center for Experimental Reasearch on Fairness, Inequality and Rationality (FAIR) ved Norges Handelshøyskole (NHH)
• Årets artist/band: Sigrid
• Årets døråpner: Norsk forening for Fjellsprengningsteknikk (NFF) v/Nils Borge Romslo og Gunnar Gjæringen
• Årets kulturbegivenhet: Hordaland Tater
• Årets ildsjel: Roger Iversen
• Årets hederspris: Hilde Sol Erdal og Arvid Ones