Sport | 20. feb. 2023

Heim frå NM med to medaljar

Martin Hjertaker på pallen i Bærum, Sofie Olsvold Hausberg slo klubbrekord.

Heim frå NM med to medaljar
Martin med sølvmedaljen frå laurdag. Søndag blei det bronse. (Foto: Privat)
Kjetil Vasby Bruarøy
Kjetil Vasby Bruarøymåndag 20. feb. 2023 08:49

I helga gjekk senior-NM innandørs av stabelen i Bærum Idrettspark.

Tjalve IK, IL I Bul, SK Vidar og Oslo FIK var arrangørar, Os Turnforening stilte med to utøvarar.

Sofie Olsvold Hausberg er tilbake etter skade tidlegare i vinter og haust, og deltok i tresteg.

Der klinte ho til med 11,51 meter, som er ny personleg rekord, ny klubbrekord og godt nok til 5. plass.

Vinnar Rachel Ombeni (Norna Salhus) hoppa 13,28 meter.

Sofie Olsvold Hausberg, her i Bislett-debuten i 2021. (Foto: Christina Forstrønen Bruarøy)
Sofie Olsvold Hausberg, her i Bislett-debuten i 2021. (Foto: Christina Forstrønen Bruarøy)

Martin Hjertaker, som gjennom haust og vinter har vist god form, og hatt blant dei høgaste hoppa i landet, deltok i høgde og høgde utan tilløp.

I høgde utan tilløp hoppa Hjertaker 1,58 meter, som er ny pers og som heldt til NM-sølv.

NM-vinnar Teodor Heldal (Fana) hoppa 1,61 meter.

Søndag var det høgde med tilløp. Der tangerte Martin sin eigen pers på 1,90 meter på første forsøk.

1,90 blei ståande som Martin sin beste for dagen, og det heldt til NM-bronse.

Vinnar Sander Skotheim (Tjalve) hoppa 2,04 meter.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.