Held konsert i Oskyrkja

Marius Neset opplever braksuksess med sin nyaste CD «Golden xplosion».

«The Guardian» skriver at Marius Neset kombinerer Micheal Brecker virtuositet med Jan Garbareks delikate tonalitet og gjev fem av fem stjerner.

BBC vurderar utgivinga som kandidat til årets album.

Onsdag kan du oppleva sax-fenomenet i levande livet då han saman med tubaisten Daniel Herskedal held konsert i Os kyrkje.

Jazzifisert folketonar og salmar

Neset og Herskedal har hatt ein fast duo saman sidan 2005 og blant anna vitja Os med ein konsert for nokre år sidan.

Den særprega instrumentkombinasjonen og dei to framifrå utøvarane gjer dette til ei oppleving utanom det vanlege. Duoen har eit uttrykksregister frå det melodiøse og vakre til det eksplosivt energiske.

Repertoaret er for det meste sjølvskrive, ispedd folketonar og salmar, alt i eit jazzifisert tonespråk.