- 07. apr. 2020

Hjort med kalv avliva i Lysefjorden

– Kan ha gått med skaden lenge.

Hjort med kalv avliva i Lysefjorden
Den skadde hjorten som blei avliva var ei drektig kolle. (Foto: Espen K. Andersen)
Kjetil Vasby Bruarøy
Kjetil Vasby Bruarøytirsdag 07. apr. 2020 11:16

Tysdag morgon fekk politiet melding om ein hjort i vegbanen, som ikkje ville flytta seg.

Dette var krysset mellom Ole Bulls veg og Drangsvegen.

– Det var visst ein bussjåfør som meldte ifrå, seier Espen Krüger Andersen.

På tre bein

Han er ein av viltkontaktane som politiet bruker, og rykte i dag ut for å finna hjorten.

– Den var vekke då eg kom fram, men etter søk med hund fann eg den igjen.

Hjorten gjekk på tre bein. Den blei skoten litt før klokka 10 i dag.

– Den eine foten var knekt, og det såg ut som om den har hatt skaden ei stund.

Var drektig

Hjorten var ei kolle, og då den blei gjort opp, viste det seg at den var drektig.

– Mange koller går no med kalv. Blir dei påkøyrde og drept, eller så skadd at dei må avlivast, er det to liv som går med.

– Heldigvis er det færre påkøyrslar no når det er lysare om morgonen og kvelden, og noko mindre trafikk på vegen, i samband med koronasituasjonen.

Bli medlem du også!

Di støtte gir liv til lokalavisa vår.

  • Tilgang til alt innhald
  • For heile familien (6 pers)
  • Utan bindingstid
  • Berre 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.