Politi | 09. okt. 2023

Hjort påkøyrd ved Skogafjellstunnelen

Ber trafikantar køyra varsamt i området.

Hjort påkøyrd ved Skogafjellstunnelen
Ein av minst fire hjortar som beita mellom Ulvenvegen og E39 søndag 1. oktober. (Foto: Christina Forstrønen Bruarøy)
Kjetil Vasby Bruarøy
Kjetil Vasby Bruarøymandag 09. okt. 2023 09:46

Den siste tida har politiet fått fleire meldingar om hjort som går langs E39.

Laurdag i 23-tida kom det melding om påkøyrd hjort.

– Hjorten blei påkøyrd nær Skogafjellstunnelen. Alt er ok med bilførar. Viltkontakt blei varsla etter hendinga, opplyser vakthavande ved Bjørnafjorden politistasjon.

Dette er, med unntak av tidlegare melding om hjort som kom haltande ut av Skogafjellstunnelen, første påkøyrsle av hjort på ny E39 som Midtsiden kjenner til.

Politiet ber trafikantar i området vera på vakt.

Det har vore fleire bekymringsmeldingar og mange observasjonar av hjort langs den nye motorvegen, både før og etter opning.

I 100-sona i Endelausmarka er det fleire kilometer med viltgjerde, som delvis hindrar hjorten å koma inn på vegen, men også der har det vore hjort på vegen og inne i ein av tunellane.

Då vi spurde prosjektleiar om det var plan om skjerma også E39 i Svegatjørn for hjort før opning, ville dei sjå det an. Samtidig innrømte dei at det å planta gras å beita på, langs vegen, kanskje ikkje var optimalt.

Skilt med åtvaring av hjort har til no vore einaste trafikksikringstiltak.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.