Måtte jaga to hjortar ut av tunellen
– Bør skiltast betre, meiner politiet.
Klokka 00.18 natt til tysdag fekk politiet melding om to hjort som gjekk inne i Lyshorntunnelen.
Fartsgrensa på E39 Halhjemsvegen, i tunellen, er 100 km/t.
– Vegtrafikksentralen varsla viltkontakt, som fekk dyra ut av tunellen, opplyser politioverbetjent Anne Lyssand.
– Det bør skiltast betre, og VTS er på saka, legg ho til.
Det har vore fleire observasjonar av hjort i og utanfor Skogafjellstunnelen, på Svegatjørnet-sida. Det er òg skilta fare for hjort før du er ute i tunellen retning mot Os.
I Endelausmarka er det sett opp viltgjerde, men vegnettet er naturlegvis ikkje heilt «hermetisk lukka».
Dette er likevel første hjorteobservasjon på E39 i Endelausmarka vi kjenner til etter opning 31. oktober i fjor.
Politiet har denne veka halde fram «aksjon trygg skuleveg».
Før klokka 08 måndag var dei på plass på Nore Neset.
– Trass i høg trafikk blei det ikkje observert noko vi vurderer som farleg situasjon, seier Lyssand.
På morgonen i dag var politiet i terrenget rundt Os barneskule.
– Heller ikkje her var det noko spesielt å bita seg merke i, men patruljen fekk beskjed om at dei var ønskt tilbake.
Spennande? Vil du ha ukas høgdepunkt i innboksen?
Les meir om
Tilgang til alt innhald for kun 5 kr i 5 veker
Vi set stor pris på at du vel å abonnera på Midtsiden, det hjelper oss på veg til å kunna dekka endå meir av alt som skjer i Os!
- Tilgang til alt innhald
- Utan bindingstid
- Moglegheit for fleire brukarar
Etter kampanjen blir abonnementet fornya kvar månad. Du kan seia opp kor tid du vil, og blir då ikkje belasta for neste periode.