Høgrebølge på gymnaset

I dag er det skuleval ved dei vidaregåande skulane i Noreg.

Les òg: – Ikkje lett å velja

Midtsiden har fått inn valresultata frå Os Gymnas.

Høgre, som også var størst ved førre skuleval, går fram frå 32,4 til 52,6 prosent!

– Det blir ofte sånn med skuleval, at det blir mykje på eitt parti.

– Men dette var solid fleirtal, vi har ikkje hatt eit så dominerande parti sidan dei første åra med Søviknes som frontfigur for Frp og eg trur ikkje Høgre har vore så store hos oss nokosinne, seier lærar og ansvarleg for skulevalet, Carl Christian Frønsdal.

Frp går tilbake frå 13,7 til 8,8 %, Ap går tilbake frå 14,4 til 11,8 %. Størst nedgang har Venstre, som går tilbake frå 15,8 til 4,4 % i forhold til skulevalet ved Os Gymnas i 2009.

Her er resultata frå skulevalet ved Os Gymnas i 2013:
(228 av 267 stemte - frammøte 86,1 %)

Høgre: 52,6 %
Ap: 11,8 %
Frp: 8,8 %
KrF: 4,8 %
Venstre: 4,4 %
Sp: 3,5 %
MdG: 3,5 %
Piratpartiet: 3,5 %
SV: 2,2 %
Rødt: 2,2 %
NKP: 0,9

Her er resultata ved skulevalet i 2009:
Høgre: 32,4 %
Venstre: 15,8 %
Ap: 14,4 %
Frp: 13,7 %
Sp: 7,2 %
SV: 6,5 %
KrF: 2,2 %
Sentrumsalliansen: 2,2 %
Kristent Samlingsparti: 1,4 %
Pensjonistpartiet: 0,7 %
NKP: 0,7 %