Hysterisk passasjer henta av politiet

Plitiet blei i natt kontakta i samband med ein kvinneleg passasjer på ein buss på veg frå Bergen til Os.

– Julebordsesongen er i gang, kommenterer politioverbetjent Anne Lyssand.

Det var i 01.10-tida i natt at kvinna hadde vakna om bord på bussen, og tydelegvis ikkje slått seg til ro med at bussen grunna vegarbeid måtte køyra ein omveg.

– Kvinna byrja å skrika, og tok bilde av sjåføren.

Ein patrulje frå Bergen rykte ut og tok kvinna med seg etter at dei fekk sjå at ho sletta alle bilda av bussjåføren.

Politiet opprettar ikkje sak.

Onsdag hadde politiet også ein promillekontroll.

UP sto ved Er-An på Byvegen og kontrollerte 54 sjåførar. Alle var edru.