– Ingen som hadde lyst

Bildeserie:

1 av 7

Os møtte BSI på heimebane i Nore Neset Aktivitetshus søndag ettermiddag. Etter kampen var ikkje ostrenar Alexander Heggø særleg nådig med eigne spelarar.

– I dag taper vi for eit betre lag. Vi speler ein j..... dårleg kamp. Det virker som om det ikkje var nokon som hadde lyst til å spele kamp i dag, og dei som hadde det blei smitta av dei som ikkje hadde lyst.

– BSI kunne ha vunne med 25 mål om dei hadde ville. I dag er det ingenting positivt å ta med seg, seier ein oppgitt, men oppriktig Heggø.

Os - BSI 26-33 (11-17)
Utv: Os 2 x 2 min, eitt rødt kort. BSI 1x2 min
Os sitt lag: Einar Godø, Trygve Lerch Dahl 2, Arne Veim Haugland 4, Nils Andris Hamre 2, Ove Lyssand 2, Isak Røen 5, Mats Brunvatne 3, Ole Jørgen Olsen, Erik Vågen 1, Joakim Blostrupmoen 3, Alexander Heggø 4.

Henta hjelp

Særleg betre var det ikkje at særs mange av dei som har vore på trening ikkje var tilgjengeleg til kampen. Difor hadde Os henta inn igjen Arne Veim Haugland og veteran Ove Lyssand, som ikkje har spelt kamp sidan i mars i fjor.

Gjestane tok raskt leiinga, men Os hang med. Etter eit kvarter var stillinga 6-8 då Arne Veim Haugland blei utvist av dommarane etter å ha skutt forsvarsspelaren i brystet. Dommarane meinte han hadde gjort det med vit og vilje.

Eitt mål bak

Til pause låg os under med seks mål, men starten på andre omgang gjorde dei ti på tribunen optimistiske. I løpet av dei ni første minutta av åt Os seg innpå og låg berre eitt mål bak 18-19. Då sto dei betre i forsvar og satte skota i angrep, men derfrå og ut blei Os sliten og gjorde dårlege vurderingar i angrep, noko som gjorde at BSI kunne køyre kontringar og igjen rykke frå.