Innbrot og båt på rek
Politirapporten: Innbrot på Os VGS natt til måndag. Jolle funnen på rek ved Skorpo.
Mandag morgon fekk politiet melding om innbrot på Os vidaregåande skule.
– Ei dør skal ha blitt brutt opp.
– Det skal ha blitt rota rundt på nokre kontor, men vi har førebels ikkje oversikt over kva som eventuelt er vekke.
– Patrulja er der oppe no i morgontimane for å få oversikten, fortel politioverbetjent Audun Hadler-Olsen.
Fann jolle på rek
I løpet av helga har ein liten båt blitt tatt hand om i området ved Skorpo.
– Det er ein 11 fots With-jolle med ein Selva 9,9 hk påhengsmotor.
– Om det er nokon som sakar den kan dei kontakta lensmannskontoret, så kan vi formidla kontakt med finnar, seier Hadler-Olsen.
212 kontrollerte
I promillekontrollen politiet gjennomførde på Halhjem sundag, kor tre bilførarar blei meldt for promillekøyring, blei 212 bilistar kontrollert.
– I tillegg til dei tre som blei anmeldt hadde fem personar promille rett under 0,2 og seks førarar køyrde utan førarkort og har fått gebyr for det, oppsummerar politioverbetjenten.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.