Innstiller fleire ferjer

Vegtrafikksentralen varslar i 17.30-tida at alle ferjer mellom Halhjem og Våge er innstilte frå klokka 20.30.

Det er venta normal drift frå søndag morgon.

Årsaka til kanselleringa av avgangane er at det er meldt sterk vind laurdag kveld.

Det skulle gått to ferjer frå Halhjem til Våge etter 20.30, nemleg 21.15 og 22.55.

Første ferja søndag morgon går frå Våge 07.00 og frå Halhjem 07.45.

Torghatten har fleire gongar i dag varsla at avgangar mellom Halhjem og Sandvikvåg kan bli innstilte på kort varsel, men dei har foreløpig normal drift.

Oppdatert: Torghatten melder klokka 22.17 at dei innstiller alle avgangar gjennom natta. Siste avgang frå Sandvikvåg blei klokka 22.20. Klokka 07.34 kunne dei melda at 08.30 blei første avgang frå både Halhjem og Sandvikvåg søndag morgon.

Vangsnes-Hella over Sognefjorden har også kansellert avgangar grunna vêret i dag.

Oppdatert: Klokka 18.21 blir det varsla at også Jektevika (Stord) - Nordhuglo - Hodnanes (Tysnes) er innstilt etter siste avgang 19.10. Jektavika og Hodnanes skal gå vidare som normalt.

Filefjell er ope og Haukelifjell har kolonnekøyring, men Hardangervidda, Hemsedalsfjellet, Hol-Aurland og Vikafjellet er stengt.