Jaktar påhengstjuvar

Kjetil Vasby Bruarøytorsdag 24. sep. 2009 10:22

Politiet i Gulen stoppa i natt ein polskregistrert varebil full av påhengsmotorar.Fire menn stakk frå staden, og blir no jakta av politiet.

- Dette kan vera banden som herja i vårt område i august, seier Hadler-Olsen frå Os lensmannskontor.

- Politiet i Bergen koordinerer etterforskinga i kommunane langs kysten, så vil vidare etterforsking sjå om banden i Gulen kan vera den same som har synda i Os.

Både i Os og i nabokommunane blei det stole ei rekke påhengsmotorar på rundt 10 hestekrefter no på seinsommaren.

Ifølgje bt.no jaktar politiet no med hund etter dei fire polakkane.