Celina Døsen på ein av dei største sjansane Nore Neset/Os hadde til å utlikna. (Foto: Kjetil Vasby Bruarøy)

Jamt NM-oppgjer for jenter 15

Laurdag ventar spennande bortekamp mot Bryne.

image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Den sterke 2003-årgangen i Nore Neset/Os, som i fjor spelte både KM-finale og semifinale i Norway Cup, deltar i årets Adidas Cup, som i fleire år har blitt omtalt som uoffisielt NM.

I slutten av april slo dei Nordhordland BK heile 7-0, i går tok dei imot Gneist på Kuventræ.

Avgjort på straffe

Gneist kom på 2. plass i Nore Neset/Os si avdeling i serien i fjor og er eit lag norenesingane har spelt jamt med før. Sånn blei det òg i går.

Gjestane fekk straffe tidleg i 1. omgang og leia 0-1 til pause.

Spelemessig såg det i periodar bra ut for heimelaget etter pause, sjansar blei det òg. Samtidig var Gneist meir kyniske, fekk fleire cornerar og fleire avsluttingar på og ved sidan av mål.

– Jentene gjer mykje bra, men vi har eit par ting å justera på når det kjem til siste tredel av banen, seier hovudtrenar Ørjan Sandal.

– Vi speler normalt med høg intensitet. Prestasjonane våre i dag er litt prega av varmen, og av at fire av spelarane våre har vore på ei fysisk krevjande trening samling med kretslaget i helga.

Nore Neset/Os stilte med eit lett og ungt lag, med tre spelarar fødd i 2004 og éi i 2005. Desse er fast del av gruppa og spelte heile kampen.

Tapte - men er ikkje slått ut

Kampen enda 0-1, men Adidas Cup er ikkje over.

Dette var andre av tre kampar i puljespelet, laurdag møtast Nore Neset/Os og Bryne på halvvegen, i Haugesund, for det som blir avgjerande for kven som tar seg til sluttspel.

Bryne har frå før spelt éin kamp. Den tapte dei 2-4 for Gneist.

I serien stiller gruppa med både J15- og J17-lag. Jenter 15 ligg på 3. plass i 2. divisjon, tre poeng frå 1. plass, jenter 17 på 4. plass, to poeng bak 1. plass, i 1. divisjon.