Jente skadd i motocrossulykke
Politi og ambulanse rykte ut til Kolskogen tysdag kveld.
Tysdag i 19-tida kom det melding om ei ulykke under trening på motocrossbanen i Kolskogen.
«Ung jente falt av mc, formentlig lettare skada» skreiv politiet på twitter. Politiet på staden ville ikkje kommentera ulykka noko vidare.
– Hadde vondt i ryggen
Leiar i Os MC og MX klubb, Jane Espelend, seier ho ikkje var i Kolskogen då ulykka skjedde.
– Men eg har snakka med han som styrte treninga i dag. Ho skal ha hatt vondt i ryggen, noko meir veit eg førebels ikkje.
Den skadde jenta er 18 år.
Få skadar på banen
Det skal vera sjeldan at motocrossutøvarane blir skadd.
– Ungdomane kjører gjerne tre eller fire økter på 20 minutt kvar, to-tre gongar i veka.
– Det hender av og til at nokon får eit fall, og at det kan bli brot i ein arm. Men det er heldigvis ikkje ofte, på dei elleve åra eg har vore i klubben har det berre vore nokre få ulykker med personskade.
Normalt rykker det i så fall berre ut ambulanse, ikkje politi, sidan uhellet skjer på lukka område under organisert trening.
– No håper vi det går fint med den skadde jenta, og at det er lenge til neste gong.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.