Kan ta EM-medalje i dag

Juniorkarriera avslutta han med VM-gull to år på rad, i dag kan Sverre Lunde Pedersen ta sin første meisterskapsmedalje for senior.

I EM allround i russiske Tsjeljabinsk fekk han 9. plass etter ei dårleg avslutting på 500 meter, men tok det igjen med 3. plass på 5000-meteren laurdag.

– Eg har aldri vore så nær Kramer før og er veldig nøgd, spesielt sidan eg gjekk store delar av løpet åleine, seier Sverre til BT.

Fana-løparen frå Os gjekk 5000 meter på 6.22,98 i par med Sven Kramer, som var knappe 6 sekund raskare.

Dermed er Sverre på 4. plass samanlagt før siste distanse, dagens 1500 meter.

NRK2 viser 1500-meteren frå klokka 13.55. Sverre går i siste par mot Wouter Olde Heuvel.