Kardemomme-kos for store og små

Bildeserie:

1 av 8

Det var mange spente små som saman med foreldre og venar fann vegen til Oseanas terrasse laurdag formiddag. Alle fann seg fort ein plass framfor scenen for å sjå dei kjente karakterane frå Kardemommeby.

Ut kom Politimester Bastian opp i den kjende raude jakka si, og starta showet med songen om Kardemommebylova.

Både born og vaksne såg ut til å kunna teksten godt, og det blir fort allsong på terrassen.

Tante Sofie og dei tre røvarane Kasper, Jesper og Jonathan var òg med på å skapa liv.

Inne eller ute?

Berre to timar før showet starta bestemte kulturhusvert for Oseana, Janne Mari Hjelle, og Fyllingsdalen Teater seg for at framsyninga skulle bli spelt utandørs.

– Vi sjekka vêrmeldinga med jamne mellomrom fram til det nærma seg, til slutt så måtte vi bestemma oss, og tok sjansen på å ha det ute, fortel Janne, som ser seg nøgd med valet.

Regnet heldt seg unna og publikum kunne nyta showet utandørs.

Måtte gå planken

Då songane tok slutt og ein skulle tru framsyninga var over, blei publikum overraska med eit ekstra sprell i frå røvarane.

Både store og små vendte nasa si mot stupebrettet nedanfor Oaseana. Der sto Jonathan. Han måtte gå planken med alle kleda på.

– Hopp, hopp, hopp ropte publikum i kor, og Jonathan tok sats og hoppa.