«Kjølen» delte ut tre forelegg

Politibåten var på tokt i Os fredag.

Kjølen var først i Os hamn, så gjekk turen til Hauglandsosen. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 28. juni 2021 09:48

Fredag på dagtid patruljerte politibåten «Kjølen» i Os. Det førte til tre forelegg.

– Dei var først i Os hamn. Der kontrollerte dei sju båtar, men fann ikkje noko å reagera på, seier politioverbetjent Atle Birkeland.

Så var dei innom Vargavågen og vidare til Hauglandsjøen.

– Der kontrollerte dei to båtar, og skreiv ut til saman tre forelegg for manglande bruk av redningsvest.

Det er ikkje notert storleik på båt eller alder på båtfolket utan vest.

Full fest i båt

Også natt til søndag blei det oppdrag for politiet i hamna, men frå land, ikkje frå båt.

Klokka 01.30 kom det melding om full fest i båt.

– Deltakarane fekk beskjed om å avslutta festen, noko dei ikkje klarte.

Ein time seinare kom det nemleg ny klage på støy frå den same båten. Politiet var då opptatt med noko anna.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.