Kjørte på jordet

Klokka 07.10 laurdag morgon rykte politi, ambulanse og brannvesen ut til eit trafikkuhell på Hegglandsdalsvegen.

– Det var ein bil som har køyrd av vegen.

– Føraren skal ha dunka hovudet sitt og blei tatt med til legevakta, fortel vakthavande betjent ved Os lensmannskontor.

Politiet mistenker at mannen var ruspåvirka då ulukka skjedde og har beslaglagt førarkortet til mannen.

– Ellers har det vore ei roleg natt. Det eineste vi har i loggen i tillegg er ein fugl som blei påkøyrd og truleg skadd i 21-tida i går kveld.

– Brannvesenet var ute og såg etter den, men fann den ikkje.