Kloakk i vågen
Denne veka blei Søvikvågen skilta som «mindre egnet badevatn». Står arrangementet «Ta Sjansen» i fare for å bli avlyst?
Ifølgje ein Midtsiden-lesar kom det i går opp eit skilt som seier at badevatnet i Søvikvågen er mindre eigna. Kvifor? Og kor tid blir vatnet reint igjen?
- Tysdag ettermiddag fekk vi melding om at det flaut med kloakk i vågen. Ein tett avlaupsledning var årsaka, fortel Finn Harald Eliassen frå teknisk avdeling i Os kommune.
Kloakken rann då ut på 2-3 meters djup i staden for på utsida av vågen.
Spylte seg nesten ferdig
I går var ein spylebil frå vassverket på plass for å opna det tette røret.
- Dei fekkspylt så mykje at det no renn vatn gjennom, men kom seg berre 100 meter ut før dei gjekk tom for vatn i tanken.
I dag skal spylebilen ha vore tilbake for å spyla resten av den 300 meter lange leidningen rein.
«Ta Sjansen» neste helg
Om ei veke skal det populære arrangementet «Ta Sjansen», med over 100 ungar i sving med gummibåtar og heimelaga fartøy ned rutsjebane, bli halde i denne vågen.
- Eg veit ikkje kor lang tid det kjem til å ta før vatnet i Søvikvågen er reint igjen, men vi kjem til å ta vassprøvar over helga, seier Eliassen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.